Ekibastuzdyq 1300-den astam bala qysta eldegi demalys keshenderinde demalady
Bul týraly búgin «AMANAT» partııasy Túrkistan oblystyq fılıalynyń kezekten tys konferentsııasynda partııa tóraǵasy Erlan Qoshanov aıtty, dep habarlaıdy @Pavlodarnews.kz.
«AMANAT» partııasy resmı kanalynyń málimetinshe, is-sharaǵa partııa óńirlik saıası keńes músheleri, máslıhattardaǵy «AMANAT» depýtattyq fraktsııasynyń músheleri, bastaýysh partııa uıymdarynyń basshylary, oblystyq partııa aktıvi qatysty.
«Zardap shekken otbasylardyń baspanalarynda jóndeý jumystary bastalady. Osy kezde Ekibastuzdaǵy balalardy elimizdegi, sonyń ishinde Túrkistan oblysyndaǵy shıpajaılarǵa jiberýge de bolady dep sanaımyn. «AMANAT» partııasy 1300-den astam oqýshynyń qysqy kanıkýl ýaqytynda eldegi demalys keshenderine barýyna jaǵdaı jasaıdy», – dedi Erlan Qoshanov.
Sondaı-aq partııa tóraǵasy Ekibastuzdaǵy tótenshe jaǵdaı kezinde volonterler men partııa belsendileri alǵashqy kúnnen bastap qala turǵyndaryna gýmanıtarlyq kómekti taratýǵa atsalysqanyn atap ótti. Turǵyndarǵa jylytqyshtar, jyly kórpeler jáne birinshi kezekte qajetti zattar tabystaldy.
Ekibastuzdyqtarǵa kómek kórsetý jumysy jalǵasyp jatyr.
