Ekibastuzdy damytýdyń strategııasy kerek - Prezıdent
NUR-SULTAN. QazAqparat – Memleket basshysy monoqalalardy damytýdyń orta merzimdi strategııasy kerektigi týraly aıtty, dep habarlaıdy QazAqparat tilshisi.
«Ekibastuzda energetıka men ónerkásip salasynda bilikti tehnıkalyq mamandar óte kóp. Osyǵan deıin jınaqtalǵan kadrlyq áleýetti joǵaltýǵa jol bermeý kerek. Sondyqtan Ekibastuzdy damytýdyń orta merzimdi strategııasy kerek», - dedi Qasym-Jomart Toqaev Úkimettiń keńeıtilgen otyrysynda.
«Osyndaı talaptar ózge de monoqalalar úshin ózekti. Úkimet bul máseleni jekeleı qarastyryp, pysyqtaýy tıis. Atap aıtqanda, Úkimet bul baǵyttaǵy jumystardy laıyqty deńgeıde eńseredi dep oılaımyn»,- dedi Memleket basshysy.
