Ekibastuzdaǵy jylyjaıda mıllıonǵa jýyq raýshan gúli ósirildi
EKІBASTUZ. QazAqparat - Ekibastuzdaǵy jylyjaıda Halyqaralyq áıelder kúni merekesine mıllıonǵa jýyq raýshan gúli ósirildi. Mereke qarsańynda munda gúlderdiń eki jańa surypy paıda boldy. Bul kásiporynǵa saýda kólemin keńeıte túsý múmkindigin týdyryp otyr, dep habarlaıdy QazAqparat.
«Saýdaǵa «Avalanch» pen «Avalanch bej» sııaqty gúldiń jańa eki túri shyǵaryldy. «Red naomi» suryptary sııaqty bul gúl túrleri de turǵyndardyń arasynda tanymal. Olar iri ári ádemi gollanııalyq raýshan gúlderi»,-dedi jylyjaı kesheni dırektorynyń orynbasary Aıtmaǵambet Sársenbekuly.
Gollandııalyq raýshan gúlderin ósirýge arnalǵan jylyjaı 2016 jyly ashylǵan. Múnda 70 adam eńbek etýde. 
