Ekibastuzdaǵy jylytý beketterinde qaıyrymdylyq ónimderi úlestirilip jatyr - feık

EKІBASTUZ. QazAqparat – Ekibastuzdaǵy jylytý beketterinde qaıyrymdylyq ónimderi taratylyp jatqany týraly aqparat shyndyqqa janaspaıdy. Bul týraly qala ákimdiginiń áleýmettik jelidegi resmı paraqshasynda jarııalanǵan habarlamada jazylǵan, dep habarlaıdy QazAqparat tilshisi.

«Jylytý beketteriniń oryndarynda qaıyrymdylyq ónimin taratý týraly aqparat shyndyqqa janaspaıdy. Sonymen qatar, tótenshe jaǵdaıǵa tap bolǵan adamdar úshin qajetti jaǵdaılardy (jylý, ystyq tamaq jáne demalys oryndary) jasaýǵa arnalǵan 14 jylytý beketi uıymdastyrylǵanyn eske salamyz», - delingen Ekibastuz ákimdiginiń habarlamasynda.

Quzyrly organ dereginshe, jylytý beketteriniń mekenjaılary:

- № 4 mektep - Abaı kóshesi 84;

- № 18 mektep - Akademık Mardenov býlvary kóshesi 7;

- № 21 mektep – Petrenko kóshesi 7;

- «Óner» qalalyq mádenıet ortalyǵy – M.Áýezov kóshesi 149;

- Mýzyka mektebi – M. Áýezov kóshesi 55/1;

- № 5 mektep - Pavlov kóshesi 5;

- № 7 mektep-gımnazııa - Kenshiler kóshesi 20;

- «Qaınar» bilim berý jáne demalys kesheni - Abaı kóshesi 121A;

- Dostyk úıi - M.Júsip kóshesi 101;

- «Savoı» meıramhanasy - M.Júsip kóshesi 101;

- «Arasan» monsha kesheni – Ekibastuzǵa 40 jyl kóshesi 52;

- № 23 mektep – Q.Sátpaev kóshesi 24;

- № 36 mektep – Q.Sátpaev kóshesi 23;

- «Altyn dán» kafesi - M.Mámetova kóshesi 70.

Sońǵy derek boıynsha, búgin Ekibastuzdaǵy kópqabatty 71 problemaly úıdiń jertólelerindegi jylytý toraptaryna jylý berilgen. Qazir páterler ishindegi qubyrlar men regıstrlerdi qosý júrip jatyr. Sonymen qatar mamandar sý jáne káriz júıelerin qalpyna keltirýde.