Ekibastuzdaǵy jylý jelisiniń aqaýynan 4 úıge zaqym kelgen

ASTANA. QazAqparat – Ekibastuz qalasynyń ákimi Aıan Beısekınniń málimeti boıynsha, jylytý júıesindegi tehnogendik apat saldarynan 4 úıge zaqym kelgeni málim bolyp otyr, dep habarlaıdy QazAqparat tilshisi.

«Materaldyq zardap shekken úılerdiń sany – tórteý. Qysta úıdi jylýǵa qosý óte qıyn protsess. Qatyp qalǵan batareıany jylytyp, qaıta qosý úlken kásibılikti talap etedi. Sondyqtan, jan-jaqtan kásibı biligi joǵary mamandardy tartyp jatyrmyz», - dedi qala ákimi.

Eske salsaq, 27 qarashada Ekibastuz jylý-elektr ortalyǵynda apat bolyp, qala turǵyndary jylýsyz qalǵan bolatyn.

Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldary joıylǵansha Ekibastuzda bolady.