Ekibastuzdaǵy jylý máselesi maýsym sońyna deıin aıaqtalmaýy múmkin
Sondaı-aq anyqtalǵandaı, Ekibastuz stantsııasy jylytý maýsymyna daıyndyq pasportyn almaǵan bolyp shyqty.
Óńirlik kommýnıkatsııalar qyzmetinde ótken baspasóz máslıhatynda V.Lesın qazandyqtardyń, ásirese sý jylytqysh qazandyqtardyń jaı-kúıi turaqty temperatýra bere almaıtynyn málim etti.
«Osyǵan baılanysty tómendetilgen parametrler berilip jatyr jáne mundaı ahýal jylý berý maýsymynyń sońyna deıin jalǵasatyny boljanýda.Tótenshe jaǵdaı kezinde bolǵan jelilerdegi aqaýlardy joıdyq. Kórsetkishti jaqsartý úshin jumys istep jatyrmyz. Biraq negizgi jelilerdegi laı qazandyqtarǵa túsip, ekrandy betkeılerde aınalymdy buzdy», - dedi ol.
Vadım Lesınniń aıtýynsha, qańtar aıy boıy JEO qyzmetkerleri men merdigerler stantsııa jumysyn turaqtandyrýmen aınalysqan. Alaıda turaqty parametrlerdi alty kún ǵana ustap turý múmkin bolǵan. Qazir JEO-da 120-ǵa jýyq adam táýlik boıy jumys istep jatyr.
Sondaı-aq baspasóz máslıhatynda monopolıst ókili málim etkendeı, Ekibastuz jylý-elektr ortalyǵy kúzgi-qysqy kezeńge ázirlik pasportyn almaǵan.
«Jóndeý jumystaryn jylytý maýsymy bastalǵanǵa deıin aıaqtaý kerek bolǵan, alaıde der kezinde aıaqtap úlgermegen. Sondyqtan stantsııa qysqy maýsymǵa daıyndyq tólqujatyn almady. ıAǵnı, tólqujat boıynsha jóndeý jumystary 30 qazanǵa deıin aıaqtalýy tıis degen talaptar bar. Al bul joly qarasha aıynyń sońynda aıaqtaldy, – dedi Vadım Lesın.
Aıta ketý kerek, qazir Ekibastuz JEO-da nebári tórt qazandyq jumys isteıdi, altaýy jóndeýde. Temperatýranyń shyǵatyn parametri – 60 gradýs, keri aınalymda - 44. Ekibastuz turǵyndaryna jylý aqysyna 70 paıyz jeńildik jasaldy.