Ekibastuzdaǵy jylý magıstralin jóndeýge ózge óńirlerden brıgadalar jumyldyryldy
Búgin qalanyń Máshhúr Júsip kóshesindegi 17 kóp páterli úıdi jylytý júıelerine qosý úshin Qazaqstannyń basqa óńirleri men kásiporyndarynan, atap aıtqanda Astana, Pavlodar, Qaraǵandy, Bosshakólden (Kazminerals) jetken jóndeý brıgadalary jumysqa kiristi.
Brıgadalardyń jalpy sany 34-ten 42-ge deıin ósti.
Sondaı-aq, Úkimet pen jedel shtab músheleri Mámetov, Sheshembekov kóshelerinde ornalasqan turǵyn úılerdi, «Óner» mádenıet úıin aralap kórdi.
Esterińizge sala ketsek, 27 qarasha kúni saǵat 1:20 shamasynda Ekibastuz JEO-da qazandyq isten shyǵyp, on mınýttan keıin taǵy úsheýi toqtaǵan bolatyn.
Osydan keıin qaladaǵy balalardy qoldaý ortalyǵynyń tárbıelenýshileri Pavlodarǵa aýystyrylyp, mektep oqýshylary onlaın bilim alýǵa kóshirildi.
Úkimet otyrysynda oblys ákimi Ábilqaıyr Ysqaqov qaladaǵy ahýalǵa qatysty esep berdi.
Premer-Mınıstr Álıhan Smaıylov Ekibastuz qalasyndaǵy jaǵdaıdy qalpyna keltirý boıynsha birqatar tapsyrma berdi.
Úkimet basshysynyń tapsyrmasy boıynsha Premer-Mınıstrdiń orynbasary Serik Jumanǵarın men Tótenshe jaǵdaılar mınıstri ıÝrıı Ilın Ekibastuzǵa bardy. Búgin saǵat 8:00-de ótken Ekibastuzdaǵy tótenshe jaǵdaıdy joıý jónindegi jedel shtabtyń otyrysynda qalanyń jylý jelilerindegi qazirgi jaǵdaı men temperatýralyq rejımdi qalpyna keltirý boıynsha qabyldanyp jatqan sharalar talqylandy.
Foto: t.me/KZgovernment