Ekibastuzdaǵy jaǵdaı: Qala mektepteri onlaınnan qashan shyǵady
Búgin Premer-Mınıstrdiń birinshi orynbasary Roman Sklıar Ekibastuz qalasyna jumys saparymen barǵanyn buǵan deıin jazǵan bolatynbyz. Sapar barysynda R.Sklıardyń talabymen «Pavlodarenergo» AQ bas dırektory Vadım Lesın jumysynan bosatyldy.
Premer-Mınıstrdiń birinshi orynbasary Ekibastuz JEO-da bolyp, táýlik boıy jóndeý-qalpyna keltirý jumystary júrgizilip jatqan ýchaskelerdi aralady. Búgingi tańda 5 qazandyq agregat jáne 11 jelilik sorǵy jumys istep tur. 5 qazandyq pen 3 sorǵy jóndelip jatyr. Qazandyqtar jylý ótetin jerler jóndelip jatqandyqtan toqtap tur.
Jelilerde 19 aqaý tirkeldi, onyń ishinde 9-y – magıstraldyq jelilerde, 10-y – kvartal ishindegi jelilerde. 26 kópqabatty úıge birneshe jyldan beri jylý qalypty normadan tómen berilip keledi. Máseleni sheshý úshin mamandar ishki jylýmen jabdyqtaý júıelerin, jetkizý jelilerin tazalap, jóndeý jumystaryn júrgizip jatyr.
Ekibastuz JEO ıesine eki kún merzimde qajetti býmen qamtamasyz etý boıynsha Jol kartasyn ázirleý, sondaı-aq jóndeý jumystaryn oryndaý úshin materıaldar men jabdyqtardy jetkizýdi jedeldetý tapsyryldy. Al Ekibastuz qalasynyń ákimdigine úılerdi ystyq sýmen qamtamasyz etýdi baqylaý men oǵan monıtorıng júrgizýdi kúsheıtý júkteldi.
«Ekibastuz qalasynda tarıfterdiń kúrt ósýine jol bermeımiz. Jylytý maýsymy aıaqtalǵannan keıin jóndeý naýqanyn júrgizemiz», — dedi R. Sklıar.
Ekibastuz qalasynyń ákimi Aıan Beısekınniń aıtýynsha, úı ishindegi jylý júıesine zaqym kelgen 91 úıdiń menshik ıelerine jylý energııasy úshin tólenetin soma boıynsha 121,9 mln teńgege qaıta esepteý júrgizildi. Jeltoqsan aıynda stantsııa ıesiniń esebinen jalpy somasy 241,8 mln teńgege elektr energııasy úshin ótemaqy tólendi. Bıylǵy qańtar aıynda Ekibastuz turǵyndarynyń jylýmen jabdyqtaý qyzmetterine tóleıtin somasynyń 70% shegerildi.
Búgingi tańda 152 páterde jóndeý jumystary aıaqtaldy. 42 brıgada jumyldyryldy. Barlyǵy 252 páterde jóndeý jumystary júrgiziledi.
Sonymen qatar R. Sklıar №7 jáne №11 jalpy orta bilim beretin mektepterge bardy. Jekelegen kabınetterde aýa temperatýrasy 16-17 gradýstan aspaıdy, jylýmen qamtamasyz etýde irkilister bar. 7 aqpannan bastap Ekibastuzdyń oqý oryndary qashyqtan oqytý formatyna aýystyryldy, balabaqshalarda kezekshi toptar uıymdastyryldy. 13 aqpannan bastap bilim berý mekemeleri shtattyq rejımde jumys isteı bastaıdy dep josparlanýda.
Eske salaıyq, Ekibastuzdaǵy barlyq mektep pen kolledj 7 aqpannan bastap qashyqtan oqýǵa kóshirilgen bolatyn.
Qalada byltyrǵy jyldyń 27 qarashasynda bolǵan apat saldaryn joıý jumystary áli de jalǵasyp jatyr. 28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.
Bas prokýratýra Ekibastuzdaǵy apatty tergeý eki aıǵa deıin sozylatynyn málim etti.
Sonymen qatar Úkimettiń keńeıtilgen otyrysyna qatysqan Prezıdent Qasym-Jomart Toqaev Ekibastuz turǵyndaryna jylý jelisindegi apattyń shyǵyndaryn memleket pen JEO ıesi bólip tólesin dep tapsyrma berdi.
Foto: primeminister.kz