Ekibastuzdaǵy tótenshe jaǵdaıdy joıýǵa jumyldyrylǵan mamandar marapattalady

ASTANA. QazAqparat – Ekibastuzdaǵy tótenshe jaǵdaıǵa baılanysty shuǵyl shaqyrylǵan jumysshylar marapattalady, dep habarlaıdy QazAqparat tilshisi.

«Tótenshe jaǵdaıǵa shuǵyl shaqyrylǵan jumysshylar qalaı marapattalady? Olarǵa aqshalaı syıaqy tólene me? Keı jumysshylar maqtaý qaǵazymen shektelemiz be dep qorqady», - dep suraq qoıdy tilshiler Ekibastuzda ótken baspasóz konferentsııasynda.

«Shuǵyl shaqyrylǵan qyzmetkerlerge kelsek, bul másele qazirdiń ózinde qarastyrylyp jatyr. Osy jumystar aıaqtalǵannan keıin barlyǵy marapat, syıaqy alady. Jumystar tıisti deńgeıde júrgizilip jatyr. Adamdar qıyn jaǵdaılarǵa qaramastan janqııarlyqpen jumys isteýde. Bul eńbek laıyqty baǵalanady», - dedi «Pavlodarenergo» AQ bas dırektorynyń mindetin atqarýshy Vadım Lesın.

Buǵan deıin Premer-Mınıstrdiń orynbasary Serik Jumanǵarın keshke deıin barlyq kópqabatty úılerge jylý beriletinin aıtqan edi.