Ekibastuzdaǵy tehnogendik apattyń saldarymen kúresip júrgen jumysshylarǵa syıaqy beriledi

ASTANA. QazAqparat – Ekibastuzdaǵy tehnogendik apattyń saldaryn joıyp júrgen jumysshylarǵa eńbek etip júrgen kásiporny qosymsha syıaqy beredi. Bul týraly qalanyń ákimi Aıan Beısekın óńirlik kommýnıkatsııalar qyzmetinde ótken brıfıngide aıtty, habarlaıdy QazAqparat tilshisi.

«Qalanyń jylý júıesin qalpyna keltirý úshin ýaqytpen sanaspaı eńbek etip júrgen jumysshylardan surasaq, normadan artyq jumys úshin kúnine 200 teńge alatynyn aıtty. Bul az emes pe?», - dep surady jýrnalıst óńirlik kommýnıkatsııalar qyzmetinde.

Qala ákiminiń aıtýynsha, bul másele arnaıy shtabtyń baqylaýynda.

«Biz kásiporyn basshylarymen kelissóz júrgizdik. Shtab aıasynda kúnine keminde eki ret kezdesý ótkizemiz. Artyq istegen jumysqa aqy tóleý máselesi de aıtyldy. 200 teńge dep otyrǵanyńyzdy naqty qaı kompanııa ekenin anyqtaý kerek. Biraq qazir kún, tún demeı jumys istep júrgen azamattarǵa kásiporyndar tarapynan mindetti túrde qosymsha syıaqy qarastyrylady», - dedi Aıan Beısekın.