Ekibastuzdaǵy órt kezinde eki adam qaza tapty
PAVLODAR. QazAqparat – Ekibastuzda bolǵan órtten anasy men balasy mert boldy degen boljam bar, órttiń shyǵý sebebi anyqtalyp jatyr, dep habarlaıdy QazAqparat.
«Birinshi qańtar kúni saǵat 20:49-da Arqalyq kóshesi, 21-úıdegi 4-páter órtenip jatyr degen habarlama tústi. Órt sóndirý kezinde eki máıit tabyldy. Olar osy mekenjaıda turatyn anasy men balasy bolýy múmkin. Órttiń shyǵý sebepteri anyqtalyp jatyr», - dedi Pavlodar oblystyq tótenshe jaǵdaılar departamentiniń baspasóz qyzmeti.
Mekemedegiler órt bolyp jatqan jerge 3 tehnıka jiberilgenin málimdedi. Órt 22:51-de tolyq aýyzdyqtalǵan.
«Anasy 82 jasta, uly 1975 jyly dúnıege kelgen», - deıdi aımaqtyq TJD.
Departamenttegiler 2020 jyl bastalǵaly beri Ekibastuzdan bólek, Jelezın aýdanynda da órt saldarynan adam shyǵyny bolǵanyn aıtty.
«Sonymen qatar, 1 qańtar kúni birinshi qalalyq aýrýhanaǵa gazdan ýlanyp qalǵan azamatsha jatqyzyldy. Ýlanýǵa peshti paıdalaný kezinde órt qaýipsizdik erejelerin saqtamaý sebep bolǵan», - dep qorytyndylady departamenttiń baspasóz qyzmeti.
