Ekibastuzdaǵy órt: 7 adam qutqaryldy
PAVLODAR. QazAqparat - Ekibastuz qalasyndaǵy kópqabatty úılerdiń birinde balkon órtke oranyp, qutqarýshylar jeti adamdy ajaldan aman alyp qaldy, onyń ekeýi - bala.
Bul týraly Pavlodar oblystyq TJD memlekettik til jáne aqparat toby málim etti, dep habarlaıdy pavlodarnews.kz .
«Oqıǵa tańǵy 4:41 shamasynda oryn alǵan», - deıdi mamandar. - Berkimbaev kóshesi, 95 mekenjaıyndaǵy úıdiń altynshy qabatynda eki bólmeli páterdiń balkony órtenip, eski aǵash zattar janǵan. Qyzyl jalynnyń aýmaǵy tórt sharshy metrdi qurady. Órt sóndirýshiler altynshy qabatqa saty ornatyp, jeti adamdy qutqardy, onyń ekeýi bala bolǵan. Aıta keteıik, órttiń shyǵý sebebi qazirgi ýaqytta anyqtalý ústinde.
