Ekibastuzdaǵy órt: 17 adam qutqaryldy
ASTANA. QazAqparat - Ekibastuz qalasynda Máshhúr Júsip kóshesi 37 mekenjaıynda kópqabatty úılerdiń birinde órt shyǵyp, 17 adam syrtqa shyǵaryldy.
Bul týraly TJD memlekettik til jáne aqparat toby málim etti, dep habarlaıdy pavlodarnews.kz .
« Eki bólmeli páterdegi elektrqalqanynda symdar tuıyqtalyp, saldarynan ot shyqqan. Páter ıeleri bul úıdi saýda núktesine aınaldyrǵan, sondyqtan negizinen dúken jabdyqtary otqa orandy. Oqys jaǵdaı kezinde № 14 jáne 32 órt bólimderiniń mamandary jumys jasady. 17 adam quqarýshylarmen birge syrtqa erip shyqty. Olardyń beseýi - balalar. Órttiń sebebi men shyǵyny anyqtalýda», - dedi TJD mamandary.
