Ekibastuzdaǵy mektep oqýshylary men kolledj stýdentteri onlaın oqıdy

ASTANA. QazAqparat – 20-24 aqpan aralyǵynda Ekibastuzdaǵy mektep oqýshylary men kolledj stýdentteri onlaın oqıdy. Bul týraly qalalyq bilim bóliminiń áleýmettik jelidegi resmı paraqshasynda jarııalandy, dep habarlaıdy QazAqparat tilshisi.

«20-24 aqpan aralyǵynda Ekibastuz qalasyndaǵy mektepter, kolledjder men qosymsha bilim berý uıymdarynyń oqýshylary qashyqtyqtan oqýdy jalǵastyrady. Balabaqshalar kezekshi toptar rejıminde jumys isteıtin bolady», - delingen bilim bóliminiń Іnstagram paraqshasynda jarııalanǵan habarlamada.

«Ekibastuzjylýenergo» JShS dereginshe, bilim berý uıymdary ǵımarattaryndaǵy jylý temperatýrasyn qalypty jaǵdaıǵa jetkizý úshin ýaqyt kerek. Temperatýralyq rejım turaqty deńgeıge jetken kezde oqýshylar men kolledj stýdentteri bilim ordalaryna baryp oqıdy.

Eske salaıyq, keshe Ekibastuzdaǵy jylý elektr ortalyǵynda jelilik sý qubyry zaqymdalyp, nysandarǵa jylý berý azaıtylǵan edi.