Ekibastuzdaǵy mektep-balabaqshalardyń jylý jelisi erteńnen bastap jóndeledi

ASTANA. QazAqparat – Ekibastuzdaǵy áleýmettik nysandardyń jylý jelisin jóndeý jumystary erteń bastalady. Óńirlik kommýnıkatsııalar qyzmetinde ótken brıfıngide Pavlodar oblysy ákiminiń mindetin ýaqytsha atqarýshy Oleg Krýk osyndaı málimet berdi, habarlaıdy QazAqparat tilshisi.

Oblys ákiminiń mindetin atqarýshy qazirshgi tańda basty másele - úılerdi jylýmen tolyqtaı qamtý ekenin eske saldy.

«Qazir bar kúshti turǵyn úılerge salyp jatyrmyz. Turǵyn úılerdegi jylý, káriz, sýyq sý jelisiniń kórsetkishteriniń bári qalypqa kelýi kerek. Erteńen bastap-aq áleýmettik nysandardyń jylý jelisi men qubyrlaryn jóndeýge kirisemiz. Bizdegi №52 ortalyq jylý pýnktine jalǵanǵan 3 áleýmettik nysan bar. Odan basqa, keıbir nysandardyń jylý kórsetkishteri tómendetilgen bolatyn. Jylý júıesi túgel qalpyna kelgen boıda olardyń jumys rejımin de qalypqa túsiremiz», - dep túsindirdi Oleg Krýk.