Ekibastuzdaǵy qazandyqtardy ákimdik pen kásiporyn birge jóndeıdi
Bul týraly Ekibastuz qalasynda ótken baspasóz jıynynda «OAEK» AQ basqarma tóraǵasy Baǵdat Oral málim etti.
«Jazda stantsııada 8 qazandyqta kúrdeli jóndeý júrgiziledi: úsheýi – energetıkalyq, beseýi – sý jylytqysh. Munda qazandyqtardan bólek, qosymsha quraldar da jóndeletin bolady. Sondyqtan jumys kólemi aýqymdy bolmaq. Biz stantsııany negizgi kúshimen jumys isteıtin jaǵdaıǵa jetkizbekpiz. Ol soma qazandyqtarǵa tekserý júrgizilmeı turyp aıtylǵan. Biz shyqqan aqaýlarǵa qatysty esepteý júrizdik. Árıne, munda shyǵyn kólemi artatyn bolady. Tekserý qorytyndysy boıynsha qazandyqqa jumsalatyn qarjy týraly smetalyq qujattama sáýir aıynyń sońynda daıyn bolady. Sol kezde naqty somany biletin bolamyz», – dedi Baǵdat Oral.
Sondaı-aq Baǵdat Oral kúrdeli jóndeýge beriletin qarjyny kim tóleıtinini týraly suraqqa da jaýap berdi.
«Biz oblystyq ákimdikpen memorandým jasastyq. Kúrdeli jóndeý kezinde kásiporynnyń menshik ıeleri shyǵynnyń keminde jartysyn shyǵarýy tıis. Qalǵanyn jergilikti atqarýshy organ kómek retinde bıýdjetten beredi. Bul memlekettik-jekemenshik seriktestik bolady», – dedi B.Oral.