Ekibastuzdaǵy GRES-2-de apat bolǵany týraly aqparat jalǵan - QR TJM resmı ókili
NUR-SULTAN. QazAqparat - Áleýmettik jelilerdegi ashyq toptarda Ekibastuz qalasyndaǵy GRES-2-de apat bolǵany týraly jalǵan aqparat taratylyp jatyr, deıdi QR TJM resmı ókili Talǵat Ýálı.
Talǵat Ýálıdiń málimdeýinshe, Pavlodar oblysy Ekibastuz qalasyndaǵy GRES-2-de tehnogendik sıpattaǵy apat bolmaǵan.
«Azamattar WhatsApp messendjeri arqyly, sondaı-aq Instagram áleýmettik jelisinde 2020 jylǵy 13 jeltoqsanda Qaraǵandy qalasyndaǵy «KazakhmysEnergy« JShS-de bolǵan beınematerıaldardy taratýda. Onda № 14 qazandyqtyń bý qubyrynyń ekinshi burylysynan aqaý shyqqan bolatyn.
Osyǵan oraı barsha azamattarǵa QR TJM resmı derekterine súıengen abzal ekendigin eske salamyz», - deıdi QR TJM resmı ókili.
