Ekibastuzdaǵy GRES-1 jobasy 2023 jyly aıaqtalady
NUR-SULTAN. QazAqparat – Úkimet otyrysynda QR Energetıka mınıstri Maǵzum Myrzaǵalıev Ekibastuz qalasyndaǵy GRES-1 jobasynyń aıaqtalý merzimin atady, dep habarlaıdy QazAqparat tilshisi.
«Ekibastuz qalasy elimizdiń energetıkalyq ortalyǵy bolyp tabylady. Munda búkil Qazaqstandaǵy energııa generatsııasynyń 40% astamy óndiriledi. Ekibastuzdaǵy GRES-1 jáne GRES-2 Qazaqstannyń birtutas elektr energetıkalyq júıesiniń soltústik jáne ońtústik aımaǵynyń negizgi energııa kózderi bolyp esepteledi», - degen mınıstr GRES-1 birinshi energoblokty qalpyna keltirý arqyly stantsııa qýatyn 500 MVt-qa ulǵaıtýǵa bolatynyn atady.
«Bul Qazaqstannyń birtutas elektr energetıkalyq júıesindegi tutynýdyń boljamdy ósýin qamtamasyz etýge múmkindik beredi. Keshendi josparda kózdelgen ınvestıtsııalar somasy 66,5 mlrd teńgeni quraıdy. Jobany «Samuryq-Energo» iske asyrmaqshy. Qazirgi ýaqytta Ekibastuz GRES-1 jobasynyń ázirligi shamamen 41,8% paıyzdy quraıdy. Onyń ishinde 88,3% eski jabdyq buzylyp alyndy, 33% jańa jabdyq qurastyryldy. Jobany 2023 jyldyń sońyna qaraı aıaqtaý josparlanyp otyr», - dedi Maǵzum Myrzaǵalıev.
Foto: samruk-energy.kz
