Ekibastuzdaǵy barlyq áleýmettik nysan jylý berý júıesine qosyldy
Jedel shtabtyń málimetinshe, saǵat 19:00-degi jaǵdaı boıynsha qaladaǵy Máshhúr Júsip kóshesi, 52 jáne Sátbaev kóshesi, 8 mekenjaıyndaǵy 11 kireberiste sýmen jabdyqtaý jáne sý burý júıelerin qalpyna keltirý jumystaryn júrgizý táýlik boıy jalǵasyp jatyr.
«Qazir apat saldarynan zardap shekken barlyq úıdiń kireberisterine jylý berildi», -dep habarlady jedel shtabtan.
Ákimdiktiń call-ortalyǵyna jáne «Ekibastuzteploenergo» abonenttik qyzmetine turǵyndardyń jylý júıesiniń, onyń ishinde jeke sektordyń jumysyndaǵy aqaýlarǵa baılanysty kóptegen ótinish kelip túsýde. Barlyq ótinimder qabyldanady. Soǵan sáıkes aqaýlardy joıý baǵytynda jumystar qolǵa alynady. Barlyq áleýmettik nysandar jylý berý júıesine tolyǵymen qosyldy. Mektepter men ómirlik qıyn jaǵdaıǵa tap bolǵan balalardy qoldaý ortalyqtarynda jylý temperatýrasy kóterile bastady», -dep tolyqtyrdy jedel shtabtan.
Eske sala ketelik, budan buryn shtabtan barlyq úıge jylý berilgeni habarlanǵan edi.
Sondaı-aq, Ekibastuzda áleýmettik nysandarǵa jylý berýdi qalpyna keltirý jumystary jalǵasyp jatqany habarlandy.
Al, qala turǵyndary eki aı jylýǵa aqsha tólemeıtin boldy.
Foto Valerııa Býgaeva