Ekibastuzdaǵy áýejaıdy qaıta qalpyna keltirý josparlanýda
PAVLODAR. QazAqparat - Ekibastuz áýejaıy qalaǵa jáne kórshi Baıanaýylǵa aǵylǵan týrıster men ónerkásip ókilderiniń qajetine jaraıtynyna jergilikti bılik senimmen qarap otyr, dep habarlaıdy QazAqparat tilshisi.
«Baıanaýylda týrızm jaqsy damyp kele jatqanyn bilesizder. Sonymen qatar ınvestorlardyń nazaryn tartyp otyrǵan Ekibastuzdyń ónerkásip sektory da qarqyn alyp keledi. Sondyqtan da qalamyzǵa bul nysan qajet. Áýejaıdy qaıta jandandyrý isine qatysýdy qalaıtyn kásipkerler bar. Másele tek nysannyń baǵasynda bolyp otyr», - dedi Pavlodar oblystyq ákimdigindegi apparat otyrysynda Ekibastuz ákimi Qaırat Núkenov.
Q. Núkenov Ekibastuz qarqynmen damyp kele jatqanyn aıtty. Sondyqtan qala áýe qatynasyna zárý bolyp otyr. Ony qaıta jandandyrýǵa ınvestorlar ázir.
Áýejaı 1990 jyldary ashylǵan. Almatydan Máskeýge ushqan ushaqtar Ekibastuzǵa qonatyn. Biraq Azamattyq avıatsııa komıteti anyqtaǵan kemshilikter sebepti mundaǵy ushaq qatynasy toqtatylǵan. Keıinnen nysan múldem jabyldy.
Foto: gotravelto.kz
