Ekibastuzdaǵy apat qaladaǵy elektr júıesine salmaq túsirýde

EKІBASTUZ. QazAqparat - Ekibastuzda jylytqyshtardy shamadan tys qosý nátıjesinde energııany paıdalanýdyń ortasha júktemesi 32 megavattan 52-ge jetken, dep habarlaıdy QazAqparat Pavlodarnews.kz silteme jasap.

«Gorelektroset» JShS qaladaǵy ortalyqtandyrylǵan jylýmen qamtý máselesine baılanysty qala turǵyndaryna ótinish jasady.

«Qazirgi tańda qalanyń elektr jelilerine úlken júkteme túsýde. Sondyqtan jyljymaly elektr qýatynyń úzilýine jol bermeý úshin múmkindiginshe páterge bir jylytqyshtan artyq qospaýdy suraımyz», – delingen habarlamada.

«Gorelektroset» JShS jáne «DomEnergoSet» JShS mamandary syrtqy jáne úı ishindegi elektr jelileriniń zaqymdanýynyń aldyn alý jumystaryn júrgizýde.