Ekibastuzdaǵy apat: 50-ge jýyq páter búlingen
«Ákimdik qyzmetkerlerimen birge páterlerdi aralap shyqtyq. Apat saldarynan barlyǵy zaqymdalǵan elý shaqty páter anyqtaldy. Bul úılerge dúısenbiden bastap brıgadalar kirip, adam turatyndaı jaǵdaıǵa keltiredi. Qalǵan ótinishter toptastyrylǵannan keıin jumys bastalady. Eger de komıssııa turmystyq tehnıka apat saldarynan isten shyqqanyn rastasa, shyǵynnyń óteletindigine úmit artýǵa bolady», — dedi «OAEK» AQ basqarma tóraǵasynyń orynbasary Leonıd ıAnýshko baspasóz konferentsııasynda.
Ekibastuz qalasynyń ákimi Aıan Beısekınniń aıtýynsha, barlyq zardap shekken páterler boıynsha jeke tizim jasalýda. Ol úshin arnaıy ótinishterdi qabyldaıtyn jeti mekenjaı boıynsha pýnkti ashylǵan. Budan bólek, ákimshilikte zardap shekken azamattardyń shaǵymdaryn qabyldaıtyn pýnkti bar.
«Bul máselege qatysty «OAEK» AQ basshylyǵymen kelissózder júrgizilgen. Sondyqtan da jalǵan aqparat bolmaýy tıis. Mindetti túrde jóndeý jumystary júrgiziledi. Aqaýlardy anyqtaıtyn 70 adamnan turatyn jeti brıgada qurylǵan. Turǵyndardyń ózderi jóndeýdi bastaǵan jaǵdaılar da bar. Ol úshin chekterdi usyný qajet. Mundaı jaǵdaıda komısııa teksergennen keıin shyǵyn óteledi», — dedi Aıan Beısekın.
Eske salaıyq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy.
Keıin jylý qazandyǵynyń isten shyǵýyna baılanysty oblys ákimi bastaǵan jedel shtab quryldy.
Ekibastuz qalasynyń oqýshylary onlaın oqýǵa kóshirildi.
28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.
30 qarashada Ekibastuzǵa Premer-Mınıstr Álıhan Smaıylov baryp, kináliler jaýapqa tartylatynyn aıtty.
Apat sebebi retinde jylý jelileriniń tozýy, jylý ortalyǵy basshylyǵynyń nemquraılylyǵy men ınvestıtsııalardyń jetkiliksizdigi ataldy.
Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldaryn joıý jónindegi jumystar aıaqtalǵansha Ekibastuzda bolatyny habarlandy.
4 jeltoqsanda Roman Sklıar telefon arqyly Úkimet basshysy Álıhan Smaıylovqa qalalyq jylý jelilerindegi apattyń zardaptaryn joıý barysy týraly baıandady. 8 jeltoqsanda Ekibastuzda tótenshe jaǵdaı rejımi alyndy.