Ekibastuzdaǵy 690 kóppáterli úıdiń 570-i jylytý maýsymyna daıyn - ákim

ASTANA. QazAqparat – Pavlodar oblysynyń ákimi Asaıyn Baıhanov ortalyq kommýnıkatsııalar qyzmetinde ótken brıfıngide Ekibastuzdaǵy 690 kóppáterli úıdiń 570-i jylytý maýsymyna daıyn ekenin málim etti, dep habarlaıdy QazAqparat tilshisi.

«Biz ne páter ıeleri koopertıvi arqyly, ne múlik ıeleri birlestigi arqyly basqarylmaıtyn 184 kóppáterli úıdi aıqyndadyq. Olardyń jylytý maýsymyna daıyndyǵyna jaýapty iri kásiporyndar pýly jasaqtalǵan. «GRES-1», «GRES-2», «Razrez «Bogatyry», «Razrez «Vostochnyı», «Pavlodar Energo» sııaqty iri kásiporyndar bizge osy úılerdi aldaǵy jylytý maýsymyna daıyndap jatyr.

Qalǵan úılerdi Ekibastuz qalasynyń turǵyn úı ınspektsııasy jergilikti ákimdik pen oblystyq energetıka jáne turǵyn úı-kommýnaldyq sharýashylyq basqarmasynyń qoldaýymen daıyndap jatyr.

Keıingi 10 dylda alǵash ret Ekibastuzdaǵy 690 úıdiń 570-i aldaǵy jylytý maýsymyna daıyn ekeni týraly akt aldy», - dedi ol.

Sondaı-aq, ol qaladaǵy jylý jelisi men magıstralderdiń jaǵdaıyna toqtaldy.

«Bul jerde jylý jelilerin jańartý qajet bolǵan. Sondyqtan tórt negizgi magıstraldi qaıta jaraqtap jatyrmyz. Ol baǵyttaǵy jumystar 60 paıyz oryndaldy. Shildeniń aıaǵyna deıin osy 4 magıstraldiń ekeýin kúrdeli jóndeýden ótkizip bolamyz dep oılaımyn. Qalǵan ekeýin 20 tamyzǵa deıin aıaqtaımyz. Bul baǵytta jumystar kesteden ozyp júrip jatyr. Áli isteıtin jumys kóp. Aldaǵy qysta Ekibastuzda jylý bola ma degen suraqqa, «Sózsiz bolady» dep jaýap bergim keledi. Bizde odan basqa jol joq», - dedi Asaıyn Baıhanov.