Ekibastuzda jylý jelisin jóndeıtin brıgadalar táýlik boıy jumys istep jatyr
Eske salsaq, 27 qarashada Ekibastuz jylý-elektr ortalyǵynda apat bolyp, qala turǵyndary jylýsyz qalǵan bolatyn.
28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.
30 qarashada Ekibastuzǵa Premer-Mınıstr Álıhan Smaıylov baryp, kináliler jaýapqa tartylatynyn aıtty.
1 jeltoqsanda QR Prezıdenti Qasym-Jomart Toqaev Ábilqaıyr Sqaqovty Pavlodar oblysynyń ákimi qyzmetinen bosatty. Onyń ornyna ýaqytsha Oleg Krýk taǵaıyndaldy.
Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldary joıylǵansha Ekibastuzda bolady.
Ekibastuzdaǵy jylý jelisiniń aqaýynan 4 úıge zaqym kelgen.
Pavlodar oblysy ákiminiń mindetin ýaqytsha atqarýshy Oleg Krýktyń aıtýynsha, Ekibastuzda ortalyqtandyrylǵan jylýǵa jalǵanbaǵan 19 turǵyn úı qaldy.
