Ekibastuzda jylý jelilerin jóndeý jumysy qalaı júrip jatyr

EKІBASTUZ. QazAqparat - Pavlodar oblysynyń ákimi Asaıyn Baıhanov Ekibastuzdaǵy JEO jylý jelileri men jabdyqtaryn jóndeý jumysynyń barysyn tekserdi, dep habarlaıdy QazAqparat.

Qazirgi kezde Ekibastuz JEO-da gaz qubyrlary men tútin murjasyn jóndeýge kiristi.

Jumystyń birinshi kezeńinde aralyq bilikterdi ornatý, gaz qubyrlaryn bólshekteý, tóbelerdi jóndeý, qabyrǵalardy ornatý jáne № 6, 7, 8, 9 qazandyq agregatorlarynyń gaz qubyrlaryn qalpyna keltiriledi.

Keıin № 3 tútin murjasyn jóndeý bastalady.

Osy jumys barysynda ishki astaryn jańartý, qyshqylǵa qarsy óńdeý, syrtqy jabyndy jóndeý, beton qabatyn qalpyna keltirý, jaryq qorshaýlaryn aýystyrý jánebasqa sharýalar atqarylady.

Kenshiler qalasynda jylýmen qamtý jelileriniń de jóndeý jumystary júrip jatyr.

Ekinshi jylý magıstralinde uzyndyǵy 853 m qubyr men 6 jylý kamerasy bólshektelip, jańa qubyrlardy ornatý úshin topyraq qabaty tóselip jatyr; 5-JM-de 2,4 km jeliler, 2 ornyqty jáne 24 jyljymaly tireýler bólshekteldi; 8-JM-de 1,2 km eski qubyrlar bólshektelip, jańa jelilerdiń montajyna kiristi, d530 216 metr qubyrlardy ornatý júrgizildi; 12-JM-de 1,8 km tozǵan qubyrlar bólshekteldi, 3 ornyqty tireýler ornatyldy jáne dıametri d530, uzyndyǵy 598 metr jańa qubyrdyń montajy júrgizildi.

Sonymen birge, gıdravlıkalyq synaqtan keıin anyqtalǵan aqaýlar joıylyp, jylý jelileri jańartylyp jatyr.

Qazirgi kezeńde anyqtalǵan 269 aqaýdyń 220-sy joıyldy, osy jumystyń barysynda 12 km jeli qubyrlary tolyǵymen aýystyryldy.

Aımaq basshysy jelilerdi jóndeý jumysynyń qarqynyn baıaýlatpaı, ony 12 maýsymǵa qaraı aıaqtap, Ekibastuz turǵyndaryna jyldamdatyp ystyq sý berý kerek ekenin atap ótti.