Ekibastuzda jylý maýsymynan keıin jylý jelileri synaqtan ótkiziledi

PAVLODAR. QazAqparat – Ekibastuz jylýmen jabdyqtaý júıelerin kúrdeli jóndeýge daıyndalyp jatyr. Jylý berý maýsymy aıaqtalǵannan keıin birden jóndeýge kirisedi, dep habarlaıdy QazAqparat tilshisi.

Óńir basshysy «Ekibastuzjylýenergııasy» JShS-niń ókilderimen kezdesti. Asaıyn Baıhanov Ekibastuz qalasynyń ákimdigi men «Ekibastuzjylýenergııasy» JShS-iń basshylyǵyna jóndeý jumystarynyń naqty josparyn ázirlep, qala turǵyndaryna jumystardyń barysy men olardy júrgizý merzimderi týraly habardar etýdi talap etti.
Qalalyq JEO-daǵy apatqa baılanysty TJ saldarymen kúresip jatqan Ekibastuzda magıstraldyq jáne oramishilik jylý jelileriniń gıdravlıkalyq synaqtary ótedi, dep habarlady óńir ákimdiginen.
Osydan keıin kommýnaldyq qyzmetter barlyq anyqtalǵan aqaýlardy jóndeýge kirisedi.«Oblys ákimi Asaıyn Baıhanov kenshiler qalasynda jóndeý naýqany kezinde ystyq sýdyń bolmaý merzimin dál anyqtaýdy tapsyrdy. Bul kezeń árbir jeke shaǵyn aýdan úshin 2 aıdan aspaýy tıis», - dedi Pavlodar oblysy ákiminiń baspasóz qyzmetinen.