Ekibastuzda jylý máselesinde endi problema bolmaıdy – Roman Sklıar

ASTANA. QazAqparat – Premer-Mınıstrdiń birinshi orynbasary Roman Sklıar Ekibastuz qalasynda kelesi jylytý maýsymynda eshqandaı problema bolmaıtynyn aıtty, dep habarlaıdy QazAqparat tilshisi.

«Mınıstr men ákimdik aýdıtti aıaqtaǵandaryn aıtyp, baıandady. Ekibastuz jylý-elektr ortalyǵynyń ózine de, jylý jelilerine de qarajat bólinedi. Jóndeý jumystary tolyq kólemde atqarylady. Oblys ákiminiń ózi aıtqandaı men ony bul máselede qoldap otyrmyn. Kelesi jylytý maýsymynda Ekibastuzda problema bolmaıdy», - dedi Roman Sklıar Úkimet otyrysynan keıin.

Sondaı-aq ol jekemenshik kompanııa paıdalanyp tozdyrǵan nysannyń bir bóligi nelikten memleket esebinen jóndeletinin túsindirdi.

«Memleket jekemenshik nysandardy jóndeýge aqsha bóle almaıdy. Sondyqtan naqty bul jaǵdaıda jylý-elektr ortalyǵy men jylý jelilerin kommýnaldyq menshikke alyp, jóndeımiz. 5,3 shaqyrym jeli jańadan tóseledi. Osy arqyly qalany jylýmen jabdyqtaý kórsetkishin jaqsartý kózdelip otyr.

Men Klebanovtyń atynan sóıleı almaımyn. Ózi úshin ózi aıtsyn. Bizdiń mindetimiz – Ekibastuz qalasyn jylýmen ornyqty qamtamasyz etý. Biz ony qamtamasyz etemiz, astyn syzyp aıtaıyn: zańdy jolmen qamtamasyz etemiz. Jylý-elektr ortalyǵynyń deńgeıindegi jylý jelilerin kommýnaldyq menshigimizge alǵandyqtan bıýdjet esebinen qarjylandyramyz. Olar ózderine tıesili qondyrǵylardy qarjylandyrady. Eki jaqtap qarjy kólemin arttyryp, jylýmen jabdyqtaý máselesin sheshemiz», - dedi vıtse-premer.