Ekibastuzda jóndelip jatqan qubyrdan ystyq sý atqylap, kósheni basyp qaldy
EKІBASTUZ. QazAqparat – Ekibastuzda jóndeý júrip jatqan qubyrdan ystyq sý atqylap, kósheni basyp qaldy, dep habarlaıdy QazAqparat Ravlodarnews.kz saıtyna silteme jasap.
Ekibastuz qalasy ákimi baspasóz qyzmetiniń málimetinshe, 18 mamyr kúni saǵat 6:30-da Máshhúr Júsip kóshesi boıyndaǵy dıametri 820 mm №2 jylý magıstraliniń jóndeý júrip jatqan ýchaskesindegi bekitkishte aqaý anyqtalǵan.
«Qazirgi tańda sý toqtatyldy. «Ekibastuzjylýenergo» JShS jumysshylary aqaýdy joıý boıynsha jumystardy júrgizip jatyr», - dedi ákimdikten.
Sondaı-aq, merdigerdiń búgin saǵat 14:00-ge deıin jaǵdaıdy retteýdi josparlap otyrǵany habarlandy.
