Ekibastuzda jolaýshylar avtobýsy órtendi
PAVLODAR. QazAqparat - Ekibastuz qalasynda «Soıýz» saıajaı qoǵamynyń ýchaskesinde jolaýshylar kóligi otqa orandy. Bul týraly oblystyq TJD baspasóz qyzmeti málim etti, dep habarlaıdy pavlodarnews.kz.
«Saǵat 10.53-te kezekshilik bólimine 1987 jylǵy «Neoplan» kóliginiń janǵany týraly habarlama kelip tústi. Avtobýstyń motor bóliginde rezeńke-tehnıkalyq buıymdary janyp, qyzyl jalyn salonnyń segiz sharshy metrin sharpyǵan. Zardap shekkender joq. Kóliktiń ishinde jolaýshylar bolmaǵan», - deıdi departamentte.
Órttiń shyǵýyna elektr symdarynyń qysqa tuıyqtalýy sebep bolǵan. Qazirgi tańda tilsiz jaý saldarynan keltirilgen shyǵyn kólemi anyqtalýda. Ekibastuz qalasynyń № 32 órt sóndirý bóliminen tórt adam men bir tehnıka jalyndy saǵat 11.42-de sóndirgen.
Illıýstratsııalyq foto
