Ekibastuzda joǵary qabattan sekirgen er adamdy tósemeniń kómegimen qaǵyp alǵan
EKІBASTUZ. QazAqparat – Úıdiń joǵary qabatynan sekirgen qalanyń 33 jastaǵy turǵyny oblystyq psıhıkalyq-nevrologııalyq dıspanserdiń esebine qoıylǵan, dep habarlaıdy pavlodarnews.kz.
«112» nómirine er adamnyń esikti ashpaı qoıǵany týraly habarlama tústi. Oqıǵa ornyna dereý ýchaskelik ınspektor, tórt qutqarýshy men bir tehnıka jetti», - deıdi qalalyq Tótenshe jaǵdaılar departamentinde.
Arnaıy quralmen esikti ashqan kezde ómirimen qosh aıtysýǵa bel býǵan er adammen túsindirý jumystary júrgizilgen. Alaıda ol ekinshi qabattan tómen qaraı sekirip ketken. Qutqarýshylar 1986 jylǵy turǵyndy tósemeniń kómegimen qaǵyp alǵan. Ári qaraı ol jedel járdem qyzmetkerlerine tapsyryldy.