Ekibastuzda joǵalǵan jasóspirimder óli kúıinde tabyldy
PAVLODAR. QazAqparat – Ekibastuzda joǵalǵan jasóspirimder óli kúıinde tabyldy. Aleksandr men Vıacheslavtyń sýǵa batyp ketýi múmkin degen habar «112» jelisine keshe saǵat 20:559-te túsken, dep habarlaıdy QazAqparat Pavlodarnews.kz-ke silteme jasap.
VITA Pavlodar qalasynyń izdeýshiler jasaǵy izdeý jumysynyń aıaqtalǵanyn málim etti.
Balalar sýǵa túser aldynda zattaryn qaldyrǵan orynnan on shaqyrymdaı jerden tabyldy. Eriktiler balalardyń biri sýǵa bata bastap, al ekinshisi dosyn qutqarýǵa tyrysyp, aqyry ekeýi de kóz jumdy dep boljaıdy.
- Otbasylary men jaqyndaryna qaıǵyra kóńil aıtamyz, - dep jazdy izdeý jasaǵy Instagram paraqshalarynda.
Eske salaıyq, keshe saǵat 16:00-de 2005 jyly týǵan eki oqýshy Ekibastuzdaǵy jańa kópirdiń janyndaǵy qazanshuńqyrǵa shomylýǵa ketken. Keshki saǵat jeti shamasynda olardyń zattary jaǵadan tabyldy. Іzdeýge júzden astam adam qosyldy: polıtsııa qyzmetkerleri, qutqarýshylar jáne eriktiler.
