Ekibastuzda joǵalǵan er adam on toǵyz kúnnen beri áli tabylmady
13 qazannan bastap Ekibastuz qalasynyń Polıtsııa basqarmasy habar-osharsyz joǵalyp ketken Pokotılenko Denıstiń ornalasqan jerin anyqtaý boıynsha izdestirý is-sharalaryn júrgizýde.
Polıtsııaǵa joǵalǵan adamnyń jubaıy 13 qazanda saǵat 09.00 shamasynda jarynyń Ekibastuz qalasynyń M.Júsip kóshesi, 42 úı mekenjaıynan shyǵyp, qaıta oralmaǵanyn habarlaǵan. Polıtsııa barlyq aýmaqtyq bólimshelerge, sondaı-aq jaqyn mańdaǵy aımaqtarǵa habarlama taratty,
«Olardy polıtsııa izdeıdi» stendterinde, onyń ishinde polıtsııa pýnktterinde jáne adamdar kóp jınalatyn oryndarda (dúkenderde, avtobýs aıaldamalarynda, bazarlarda jáne aýyldyq ákimdikterde) aqparat ornalastyrylǵan, oblystyń áleýmettik jelileri men BAQ-darynda jarııalanǵan. Sondaı-aq saqshylar 40-qa jýyq beınebaqylaý kamerasyn qarady.
«Polıtsııa qyzmetkerlerinen basqa, izdestirýge «Vita» EІT, «Legıon 14» ІGJ eriktileri jáne qoǵamdyq máselege beıjaı qaramaıtyn qala turǵyndary belsendi qatysady. Kún saıyn izdeý jumystary jalǵasyp, barlyq nusqalar pysyqtalýda. Er adamnyń týystarymen jáne tanystarymen áńgimeler júrgizildi. Shatyr jáne jertóle bólmeleri, azamattardyń kóp jınalatyn oryndary, oıyn-saýyq jáne kóńil kóteretin oryndary tekserildi. Qonaq úıler, jaldamaly páterler, kompıýterlik klýbtar, saýda ortalyqtary, sharýa qojalyqtary, qaraýsyz qalǵan ǵımarattar, qurylys alańdary, saıabaqtar men skverler, kárizder, garaj nysandary tekserildi. Qoǵamdyq kólik, taksı júrgizýshilerine jáne jeke tasymaldaýmen aınalysatyn azamattardan jaýap alyndy. Búgin biz saıajaı men dala massıvterin tekseremiz. Kez kelgen aqparatty polıtsııa nazarǵa alady», – dedi Pavlodar oblysy PD Ekibastuz qalasy Polıtsııa basqarmasy bastyǵynyń birinshi orynbasary Tólegen Qudaıbergenov.
Polıtsııa Pokotılenko Denıstiń ornalasqan jeri týraly qandaı da bir aqparat bolsa, 102, 8 (7187) 75-06-06, 75-05-45 telefon nómirleri arqyly habarlaýdy suraıdy. Anonımdilikke kepildik beriledi.
Aıta keteıik, Denıs ıÝrevıch Pokotılenko, 1988 jyly 28 mamyrda týǵan, boıy - 170-175 sm., dene bitimi ortasha kelgen, shashy qysqa. Ol qara tústi kúrteshe (kýrtka), qara qalpaq, qara shalbar, qara tústi aıaq kıimde (krossovkı) bolǵan. Ózimen birge uıaly telefony men sur tústi rıýkzagy bar edi.
Aqparat kózi Polisia.kz saıtynda: https://polisia.kz/ekibastuzda-zhoghalghan-er-adam-ali-tabylmady/
Foto: polisia.kz