Ekibastuzda joǵalǵan balyqshylar tabyldy
EKІBASTUZ. QazAqparat – Pavlodar oblysynda balyq aýlaýǵa ketken ekibastuzdyq eki azamat qar qursaýynda qaldy, dep habarlaıdy QazAqparat.
QR Іshki ister mınıstrliginiń Tótenshe jaǵdaılar komıtetinen málim etkendeı, 15 qańtar kúni tańǵy saǵat 9:36-da Ekibastuz qalasynyń «112» pýltine 13 qańtar kúni eki azamat balyqqa ketkeni týraly habarlama tústi. 14 qańtar saǵat 14:00 shamasynda er azamattardyń biri áıeline qońyraý shalyp, úıge qaıta shyqqany týraly aıtqan. Olar jolda boranǵa tap bolyp, 22:00 shamasynda baılanys úzilgen.
«Habarlamany alǵan Ekibastuz qalalyq qutqarý bóliminiń qyzmetshileri ótimdiligi joǵary tehnıkamen adamdardy izdeýge dereý attandy. Anyqtalǵandaı, «VAZ-2106» kóligine mingen eki balyqshy Shiderti aýylynan 10 km jerde qar qursaýynda qalǵan», - delingen aqparatta.
Balyqshylar izdeý jumystary bastalǵannan keıin eki saǵattan soń tabyldy. Olardyń jaǵdaıy jaqsy jáne medıtsınalyq qyzmet qajet bolmaǵan. Er adamdar Shiderti aýylyna evakýatsııalandy.
