Ekibastuzda jeńil kólik pen avtobýs soqtyǵysty
EKІBASTUZ. QazAqparat - Ekibastuz qalasynda jol apaty saldarynan 29 jastaǵy júrgizýshi zardap shekti, dep habarlaıdy pavlodarnews.kz.
Bul týraly oblystyq polıtsııa departamentiniń baspasóz qyzmeti málim etti.
«1 shilde kúni saǵat 19.40-ta «Gorod-KP Batyr» avtojolynan eki shaqyrym qashyqtyqta «Vaz 21144» markaly avtomashınasy men «PAZ» markaly avtobýs soqtyǵysqan. Abyroı bolǵanda, ishinde jolaýshylar bolmaǵan, - deıdi departamentte.
Jol-kólik oqıǵasy saldarynan «Vaz 21144» avtokóliginiń 29 jastaǵy júrgizýshisi jaraqattarmen Ekibastuz qalalyq aýrýhanasyna jetkizildi. Atalmysh fakti tirkelgen. Saraptama taǵaıyndalyp, tekserý júrgiziledi.
