Ekibastuzda jelilerdi qalpyna keltirý jumystaryna 300-ge jýyq maman jumyldyrylǵan

EKІBASTUZ. QazAqparat – Ekibastuz JEO-da 6 qazandyq agregaty jumys istep tur, taǵy 4-eýi rezervte, Bul – qaladaǵy tótenshe jaǵdaı saldaryn joıý jónindegi jedel shtabtyń 3 jeltoqsan saǵat 13.00-degi jaǵdaı boıynsha jarııalaǵan aqparaty, dep habarlaıdy QazAqparat tilshisi.

Apattyq-qalpyna keltirý jumystaryna barlyǵy 298 adam jáne 53 tehnıka jumyldyrylǵan.
Qazirgi tańda:
1) Sátpaev kóshesi 8/3 mekenjaıynda – káriz júıesin jylytý;
2) Máshhúr Júsip kóshesi 46 mekenjaıynda – jylý júıesinen sý aǵyzý;
3) Máshhúr Júsip kóshesi 42 mekenjaıynda – jertóleni jylytý;
4) Sátpaev kóshesi 8 mekenjaıynda – páterlerdi tekserip shyǵý;
5) Sátpaev kóshesi 8 mekenjaıynda – polıtsııa beketin jylytý jumystary júrgizilip jatyr.
27 qarashadan bastap jóndeý jumystaryn júrgizý barysynda 48 kóppáterli jáne 28 jeke úıde jylýmen jabdyqtaý qalpyna keltirildi. 28 turǵyn úı jáne 72 jeke úı, 3 bilim berý nysany jáne 1 ákimshilik ǵımarat jylýmen jabdyqtalmaǵan.
Ekibastuzdyń jylytý pýnktilerine barlyǵy 213 adam ornalastyryldy: onyń 6-aýy – bala.