Ekibastuzda jaıaý júrginshi jolynda qyz balany kólik qaǵyp ketti
PAVLODAR. QazAqparat – 45 jastaǵy er adam júrgizgen «Lada Granta» kóligi jaıaý júrginshilerge arnalǵan jolda kámelet jasqa tolmaǵan qyz balany qaǵyp ketti, dep habarlaıdy QazAqparat.
«Úshinshi maýsym kúni saǵat 21:00-de Ekibastuz qalasyda Berkimbaev kóshesindegi 130-shi úıdiń qarsy betinde «Lada Granta» kóligin júrgizgen 45 jastaǵy er adam jaıaý júrginshilerge arnalǵan joldan ótip bara jatqan kámelet jasqa tolmaǵan qyz balany qaǵyp ketti», - dep habarlady Pavlodar oblystyq polıtsııa departamenti jergilikti polıtsııa basqarmasy qyzmetiniń bastyǵy Ǵalym Sarǵulov.
Jol-kólik apaty saldarynan jaraqat alǵan jaıaý júrginshi aýrýhanaǵa jetkizildi. Kólik arnaıy aıyppul turaǵyna kirgizildi. Qazir tergeý júrgizilip jatyr.
