Ekibastuzda janyp jatqan páterden úsh adam qutqaryldy
EKІBASTUZ. QazAqparat – Barlyq zardap shekkender es-tússiz jatqan, dep habarlaıdy Ravlodarnews.kz.
Oblystyq TJD baspasóz qyzmetiniń málimetinshe, 1 qyrkúıekte 20 saǵat 23 mınýtta № 2 mamandandyrylǵan órt sóndirý bóliminiń baılanys pýltine Ekibastuzdaǵy Lomonosov kóshesi, 15 mekenjaıy boıynsha páterdiń janýy týraly habarlama kelip túsken. Oqıǵa ornyna dereý kezekshi órt sóndirýshiler toby jiberildi.
- Olar kelgenge deıin 20 adam óz betinshe shyǵyp úlgergen. Onyń ishinde altaýy – bala. Órt sóndirýshilerdiń kómegimen 10 adam evakýatsııalandy. Tekserý Barlaý barysynda gaz-tútinnen qorǵaý qyzmeti besinshi qabattaǵy bir bólmeli páterdiń esigi jabyq turǵanyn anyqtady. Qutqarýshylar arnaıy quraldyń kómegimen temir esikti ashyp, 1975 jyly týǵan er adamdy es-tússiz kúıde edennen taýyp aldy, - deıdi departamentte.
Sondaı-aq TJD qyzmetkerleri taǵy eki adamdy anyqtady. Zalda es-tússiz kúıde jatqan 1991 jyly týǵan áıel men 1977 jyly týǵan er adamdy taza aýaǵa shyǵaryp, jedel járdem qyzmetine tapsyrdy.
