Ekibastuzda jańa mýzykalyq, jaryq sáýleli sýburqaq iske qosyldy
EKІBASTUZ. QazAqparat - Ekibastuz qalasyndaǵy «Óner» mádenıet ortalyǵynyń aldynda jańa sý burqaq paıda boldy, dep habarlaıdy pavlodarnews.kz.
Shahter kúnine oraı ashylǵan fontandy Pavlodar oblysynyń ákimi Bolat Baqaýov baryp kórdi.
«NamysStroi-Group» JShS-men 137,6 mln teńgege kelisimshart jasaldy. Syrtqy beton qorshaýlarynyń bolmaýy sý burqaq aýmaǵyna erekshe sán beredi. Biregeı dızaın men shashyrap turatyn sýdyń túrli tústi jaryqtarmen súıemeldenýi kózdiń jaýyn alady. Barlyq ınjenerlik kommýnıkatsııalar jer astynda ornalasqan. Bul orynnyń ekibastuzdyqtardyń taǵy bir tamasha demalys aımaǵyna aınalary sózsiz», - deıdi qalalyq qurylys bóliminiń basshysy Abaı Kárimov.
