Ekibastuzda jańa balabaqsha ashyldy
ASTANA. QazAqparat - Qazaqstan Respýblıkasy Táýelsizdiginiń 25 jyldyǵy qarsańynda Pavlodar oblysy Ekibastuz qalasynda «Balapan» balabaqshasynyń saltanatty ashylý rásimi ótti. Mektepke deıingi mekemeniń ǵımaraty ERG jáne Pavlodar oblysynyń ákimdigi arasyndaǵy 2016 j. áleýmettik jobalardy iske asyrý jónindegi Memorandýmnyń sheńberinde qalpyna keltirildi. Atalmysh maqsattarǵa 288 mln teńgeden artyq qarajat jumsaldy.
Nysandy ashý rásimine Pavlodar oblysynyń ákimi Bolat Baqaýov, Ekibastuz qalasynyń ákimi Qaırat Núkenov, «Eýroazıattyq energetıkalyq korporatsııasy» AQ prezıdenti Valerıı Grınenko qatysty.
- Balalar jáne olardyń ata-analary osy balabaqshaǵa qýanyp baratynyna senimdimin. Tárbıeshiler táýelsiz elimizdiń abyroıly azamattaryn ónerli, sheber balalar etip tárbıeleıtinine senimdimin, - dedi Valerıı Grınenko.
Jańa balabaqshada 11 top qurylady, olardyń ishinde 20 oryndyq - tórteý, 25 oryndyq - jeti top ashylady. Barlyǵy - 255 oryn.
Eýrazııalyq Top kásiporyndary ornalasqan Aqtóbe, Qaraǵandy, Qostanaı jáne Pavlodar oblystarynda mańyzdy áleýmettik-ekonomıkalyq jobalar boıynsha memorandýmdarǵa jyl saıyn qol qoıylady.
Sońǵy bes jyldyń ishinde (2010-2015 j.j.) Qazaqstandaǵy ERG barlyq kásiporyndardy, qyzmetkerlerdi áleýmettik qoldaý úshin jáne áleýmettik baǵytqa, sondaı-aq demeýshilik pen qaıyrymdylyqqa 118 mlrd. teńgeden asatyn qarajatty jumsady.
