Ekibastuzda jaǵdaı qıyndasa, Pavlodardaǵy aýrýhanalar daıyn – Serik Jumanǵarın

ASTANA. QazAqparat – QR Premer-Mınıstriniń orynbasary-Saýda jáne ıntegratsııa mınıstri Serik Jumanǵarın Úkimet otyrysynan keıin jýrnalısterge Ekibastuzdaǵy áleýmettik nysandardyń ahýaly týraly málimet berdi, dep habarlaıdy QazAqparat tilshisi.

«Ekibastuzdaǵy jaǵdaı meniń nazarymda. Kúnde ne bolyp jatqany týraly aqparat alyp otyrmyz. Qazirgi ýaqytta aýrýhanalarda qansha adam jatyr, perzenthanalarda qansha áıel bar, qansha bala jatyr, temperatýra qandaı, aýa raıy qandaı - sonyń bárin baqylap otyrmyz. Jaǵdaı qıyndap, muqtajdyq týsa - Pavlodarda aýrýhanalar daıyn, sol sebepti Úkimet áleýmettik jaǵynan búkil sharýany rettep, daıyndap qoıdy», - dedi vıtse-premer.