«Ekibastuzda zeınetker páterinde úsip qaldy» – jelidegi aqparatqa túsinik berildi

EKІBASTUZ. QazAqparat – Ekibastuz dárigerleri óz páterinde úsik shalyp qaıtys bolǵan zeınetker týraly aqparatty joqqa shyǵardy, dep habarlaıdy QazAqparat Pavlodarnews.kz saıtyna silteme jasap.

Ekibastuzda er adam óz úıinde úsikten qaıtys bolǵany týraly WhatsApp jelisindegi habarlama shyndyqqa janaspaıdy. Qala ákimdiginiń baspasóz qyzmetinen málim etkendeı, úılerdiń birinde shynymen de zeınetker kóz jumǵan. Biraq onyń ólimine páterdiń sýyq bolýy sebep bolmaǵan.

Er adam kózi tirisinde gıpertonııa aýrýyna shaldyqqan.
Jedel járdem stantsııasynyń aqparatyna sáıkes, saǵat 17:32-de Ekibastuz qalasyndaǵy páterlerdiń birinde er adam esinen tanyp qalǵany týraly habarlama túsken.

«Medıtsına qyzmetkerleri 8 mınýtta jetti. Oqıǵa ornynda dárigerler 70 jastaǵy er adamnyń kóz jumǵanyn anyqtady. Eshqandaı úsik belgileri baıqalǵan joq», - dedi stantsııanyń baspasóz qyzmetinen.
Saǵat 17:50-de páterge polıtsııa shaqyrylǵan. Er adam kóz jumǵan kezde onyń jubaıy qasynda bolǵan. Polıtseıler er adamnyń denesinde zorlyq-zombylyq belgileri bolmaǵanyn atap ótti.
Polıtseıler Ekibastuz turǵyndaryn tek resmı aqparat kózderine senýge shaqyryp, jalǵan aqparat taratqany úshin jaýapkershilik qarastyrylǵanyn eskertti.

Foto: Konstantın Shelkov