Ekibastuzda úsh jigit dúńgirshekten 800 myń teńgeniń zergerlik buıymdaryn jymqyryp ketken
ASTANA. QazAqparat - Ekibastuz qalasynda qaraqshylar «Maxi Mall» saýda ortalyǵynyń zergerlik buıymdar satatyn dúńgirshegin tonap ketti, dep habarlaıdy pavlodarnews.kz.
Pavlodar oblystyq ІІD-niń baspasóz qyzmetiniń málimetinshe, 21 naýryz kúni saǵat 13:00 shamasynda «Maxi Mall» saýda ortalyǵynyń ekinshi qabatyndaǵy «Zoloto Rossıı» dúńgirsheginen 24-27 jas aralyǵyndaǵy úsh jigit 800 myń teńgeniń altyn buıymdaryn jymqyrǵan. Bul oqıǵa boıynsha QR QK-niń 191-baby, ekinshi bólimine sáıkes tergeý amaldary bastaldy. Qazirgi tańda kúdiktilerdi izdeý jumystary júrgizilýde.
