Ekibastuzda turǵyn úıden órt shyǵyp, eki adam qutqaryldy
EKІBASTUZ. QazAqparat – Ekibastuz qalasynda órt sóndirýshiler eki adamdy tilsiz jaýdan aman alyp qaldy, dep habarlaıdy QazAqparat tilshisi Pavlodar oblystyq Tótenshe jaǵdaılar departamentine silteme jasap.
«28 sáýirde 12 saǵat 57 mınýtta «101» pýltine Ekibastuz qalasy Kenshiler kóshesi, 15b mekenjaıyndaǵy turǵyn úıdiń 2-qabatyndaǵy balkony tútindep jatqany týraly habarlama kelip tústi. Órt sóndirý bólimsheleri dereý oqıǵa ornyna jetti. Olar 4 sharshy metr alańda aǵash balkon janyp jatqanyn anyqtap, turǵyndardy evakýatsııalady. Shuǵyl sharalar barysynda 2 adam qutqaryldy, onyń bireýi – bala», - delingen habarlamada.
Aqparatta aıtylǵandaı, tilsiz jaý 13 saǵat 11 mınýtta oqshaýlanyp, al 13 saǵat 15 mınýtta tolyq sóndirildi. Órtti sóndirýge 2 tehnıka men 7 qyzmetker jumyldyryldy.
Aıta ketsek, kúni keshe Ekibastuzda eki qabatty úı shatyrynyń janyp ketkeni týraly habarlaǵan edik. M. Júsip kóshesindegi turǵyn úıden shyqqan órtpen 7 tehnıka men jeke quramnyń 40 mamany kúresken. Tilsiz jaýdan zardap shekkender joq. Eki qabatty úıden 30 adam evakýatsııalandy. Onyń ishinde jeteýi – bala.
