Ekibastuzda tótenshe jaǵdaı jarııalanǵannan beri páter urlyǵy tirkelgen joq - polıtsııa

ASTANA. QazAqparat – Ekibastuz qalasy polıtsııa basqarmasynyń bastyǵy Qaıyrjan Shaqarǵalıev jylýsyz qalǵan úılerdi kúzetýge oblys ortalyǵynan 30 saqshy kelgenin málim etti, dep habarlaıdy QazAqparat tilshisi.

«Qalada tótenshe jaǵdaı jarııalanǵan 5 táýliktiń ishinde azamattar úıinde jylý nemese ystyq sýdyń bolmaýyna baılanysty basqa jaqqa ketken kezden bastap bir de bir páter urlyǵy bolǵan joq. Ol jaıynda bizdiń kúndelikti alatyn jedel málimetimizde bar. Páter urlyǵyn boldyrmas úshin Pavlodar oblysynyń polıtsııa departamentinen 30 qyzmetker keldi», - dedi ol óńirlik kommýnıkatsııalar qyzmetinde ótken brıfıngide.

Aıtýynsha, kómekke kelgen saqshylar men jergilikti polıtsııa ókilderi jylýsyz qalǵan ár úıdi kúzetýge tartylǵan.

«Qazir №5, №6 shaǵynaýdandarda jylý bolmaǵnadyqtan jeke quramnyń qyzmetkerleri kúsheıtilgen rejımmen táýlik boıynsha eki kezekpen jumys istep jatyr. Polıtsııa ókilderi jylý joq úılerdiń árqaısysynyń janynda kúzetip tur. Ony halyq ta kórip, áleýmettik jelige salyp jatyr», - dedi qalalyq polıtsııa basqarmasynyń bastyǵy.

Qalada áli de 17 turǵyn úıdiń jylýsyz otyrǵanyn buǵan deıin jazǵan edik.