Ekibastuzda taıaýda dızel otynyn shyǵaratyn zaýyt iske qosylady
PAVLODAR. QazAqparat - Bıylǵy jyly jeltoqsan aıynyń ekinshi bóliginde Ekibastuz qalasynda qysqy dızel otynyn shyǵaratyn «Aleftrade» JShS óz jumysyn bastaıdy.
Bul týraly óńirlik kommýnıkatsııalar qyzmetinde ótken brıfıng barysynda Ekibastuz qalasynyń ákimi Qaırat Núkenov aıtty, dep habarlaıdy pavlodarnews.kz .
- Jobany astanalyq kásipker ınvestıtsııalap, 2,5 mıllıard teńgedeı qarjy bóldi, - deıdi Qaırat Núkenov. - Zaýyt Shiderti aýylynda ornalasqan. Jylyna 30 myń tonna qysqy dızel otynyn óndiredi. Shamamen 30 jańa jumys orny ashylady.
Eske sala ketsek, aǵymdaǵy jyldyń mamyr aıynda Pavlodar oblysynyń ákimi Bolat Baqaýov Ekibastuzdyń aýyldyq aımaqtaryna jasaǵan jumys sapary barysynda kásiporyn qurylysymen tanysqan bolatyn. Sol kezde «Alef trade» JShS-niń bas dırektory Qaıyrly Ǵalıev zaýyt qazan aıynda iske qosylady dep ýáde bergen edi.
