Ekibastuzda stýdentter jataqhanasy men turǵyn úıler jóndeledi
EKІBASTUZ. QazAqparat - Ekibastuzda bıyl 60 myń sharshy metr baspana paıdalanýǵa berilmek. Sonymen qatar aımaqaralyq oqý ortalyǵy men stýdentterge arnalǵan jataqhana rekonstrýktsııasy josparlanǵan, dep habarlaıdy «QazAqparat» tilshisi Ekibastuz qalasynyń ákimi Qaırat Núkenovke silteme jasap.
«Paıdalanýǵa berilip qoıǵan baspana kólemi 37 myń sharshy metrdi qurap otyr. Bul Ekibastuzda buryn bolmaǵan kórsetkish. Qazir 5 qabatty turǵyn úı turǵyzylyp jatyr. Bıyl 60 myń sharshy metr baspana paıdalanýǵa beriledi», - dedi ákim.
Sonymen qatar, aımaqaralyq oqý ortalyǵy men stýdentterge arnalǵan jataqhana rekonstrýktsııasy josparlanǵan.
«Qaladaǵy oqý oryndarynyń basshylary stýdentterge jataqhana qajet ekendigin burynnan aıtyp keledi. Oqý ortalyǵymen birge 3 jataqhana jáne qonaq úı jóndeýden ótedi», - dedi Qaırat Núkenov.
