Ekibastuzda segiz jasar qyz abaısyzda akkýmýlıator qyshqylyn iship qoıdy
EKІBASTUZ. QazAqparat - Ekibastuzda segiz jasar qyz abaısyzda akkýmýlıator qyshqylyn iship qoıǵan. Kámeletke tolmaǵan bala aýrýhanaǵa jatqyzyldy, dep habarlaıdy Pavlodarnews.kz.
Oblystyq polıtsııa departamenti baspasóz qyzmetiniń málimetinshe, óńirde ótken táýlikte eki jazataıym oqıǵa tirkelgen. Qaıǵyly oqıǵa saldarynan eki adam zardap shekti.
«Máselen, 12 tamyz kúni saǵat 09.40-ta Ekibastuz qalasynyń aýrýhanasyna 2013 jyly týǵan kámeletke tolmaǵan bala jatqyzyldy. Ol óz úıinde abaısyzda akkýmýlıator qyshqylyn ishken», - dedi baspasóz qyzmetinde.
Sol kúni saǵat 09.10-da Ekibastuz qalasyndaǵy páterde 41 jastaǵy turǵyn abaısyzda ammıak qyshqylyn ishken. Er adam aýrýhanaǵa jatqyzyldy.