Ekibastuzda prokýrorlar jetim qyzdyń páterin jekeshelendirýge kómektesti

ASTANA. QazAqparat - Balalar úıinen shyqqan ıÝlııa Beloýsova Ekibastuzdaǵy eki bólmeli páterin jekeshelendirgisi kelgen. Turǵyn úı-kommýnaldyq sharýashylyq bóliminiń mamandary páterdi 2 mln. 347 myń teńgege baǵalady, dep habarlady pavlodarnews.kz.

Oblystyq prokýratýranyń baspasóz hatshysy Aıymgúl Ermýlatovanyń aıtýynsha, páterdi ıÝlııa jetim retinde alǵan, keıinirek ony jekeshelendirý týraly sheshim qabyldaıdy. Mamandar aıtqan baǵadan shoshyǵan qyz Ekibastuz prokýratýrasynan kómek surady. «Zań boıynsha, ıÝlııanyń sanatyndaǵy azamattarǵa baspana memlekettik turǵyn úı qory esebinen qoljetimdi baǵaǵa beriledi. Qyz páterdi alǵan kezdegi baǵasynyń qaldyq quny boıynsha jekeshelendirý quqyǵyna ıe. Alaıda TKSh bólimi turǵyn úı alańyn naryqtyq baǵamen eseptegen. Bul iske qala prokýratýrasynyń aralasýyna týra keldi. TKSh bólimine quqyq buzýshylyqty jónge keltirý týraly usynys jiberildi», - dedi A.Ermýlatova.

Nátıjesinde, qala ákimdiginiń qaýlysyna sáıkes, atalǵan soma 332 myń teńgege deıin azaıtyldy. Aıypty zańdyq tulǵa tártiptik jaýapkershilikke tartyldy.