Ekibastuzda páterdegi órtten bes adam qutqaryldy, ekeýi - bala
PAVLODAR. QazAqparat - Ekibastuz qalasyndaǵy bes qabatty úılerdiń birinen órt shyǵyp, qutqarýshylar bes adamdy ajal aýzynan aman alyp qaldy.
Onyń ekeýi - bala. Bul týraly Pavlodar oblystyq TJD memlekettik til jáne aqparat toby málim etti, dep habarlaıdy pavlodarnews.kz .
Stroıtelnaıa 35 mekenjaıynda úsh qabatty páterden órt shyqty, - deıdi mamandar. - Páterdegi jıhazdar men turmystyq tehnıka qyzyl jalynnyń astynda qaldy. Úıdiń úshinshi kireberisinen segiz adam ózdiginen syrtqa shyqty. Al, órt sóndirýshiler bes turǵyndy baspaldaq arqyly qutqardy. 1933 jylǵy áıel adam ysty gazben ýlanyp, qalalyq aýrýhanaǵa jetkizildi. Onyń jaǵdaıy - qanaǵattanarlyq. Tótenshe jaǵdaıdyń oryn alý sebebi men shyǵyny eseptelýde.
