Ekibastuzda pasterellez aýrýynan 50-deı sıyr aram qatty
ASTANA. QazAqparat - Ekibastuzdyń Taı aýylynda pasterellez aýrýyna shaldyqqan 50-deı iri qara mal aram qatty, dep habarlaıdy pavlodarnews.kz.
Oblystyq veterınarııa basqarmasynyń habarlaýynsha, patalogııalyq materıaldar arqyly tekserýden keıin janýarlarǵa pasterellez degen dıagnoz qoıylǵan. Aıtýlarynsha atalmysh syrqattyń adamdarǵa qaýpi joq.
- Qazirgi tańda veterınarlyq dárigerler syrqattyń sebep-saldaryn anyqtaý maqsatynda atalmysh aýylda kúndiz-túni jumys isteýde. Mamandar aýyrǵan maldardan sımptomatıkalyq terapııany tekserýdi bastady. Jalpy, qara malǵa juǵatyn mundaı dert buǵan deıin oblysta 2010 jyly tirkelgen, - deıdi basqarma mamandary.
Aıta keteıik, Ekibastuz qalasyna qarasty Taı aýylynda 200-den astam iri qyry mal bar. Al, ólgen 50 bas maldyń 16-sy sol óńirdegi «Grıtsenko» sharýa qojalyǵyna tıesili.
